Една од најважните пораки кои сакаме да ја испратиме на крајот од годината е благодарноста кон сите наши вработени и тимови. Без нивната посветеност, работа и упорност, нашите успеси не би биле можни.
На ден 27.12.2024 година се одржа новогодишниот настан за сите вработени, во Кино салата во Пробиштип, каде што сите вработени со смеа го проследија stand up настанот на познатиот актер Никола Тодороски.
Оваа година се доделија 25 јубилејни награди и 18 награди за најдобри вработени во 2024 година. Вработените продолжија со насмевки и на кетерингот во холот на киното.
Крајот на годината е момент кога се потсетуваме на сите достигнувања, но и кога поставуваме нови цели. Со гордост гледаме на постигнатото, но погледите ни се насочени кон иднината и новите можности кои таа ги носи. Нека новата година биде уште подобра, полна со нови предизвици и успеси за сите нас!